ВРАБОТЕНИТЕ ПРЕСЕКОА: Парите не можат да ja купат мотивацијата
Објавено во: Финансии 01 Август, 2017
Многу компании им нудат различни бонуси и привилегии на вработените, и сметаат дека така ја зголемуваат посветеноста и лојалноста . Сепак, ова е погрешен пристап, заклучило ново истражување, цитирано од The Entrepreneur.
Истражувањето е на Harvard Business Review и гледа како бонусите влијаат на задоволството и организацијата на работниците. За целта биле интервјуирани десетици менаџери и нивни помошници од компании во Велика Британија.
Излегува дека парите не се најуспешната мотивација. Вработените на кои им биле ветени парични стимулации за некоја работа, не ја направиле многу поефикасно, дури побавно. Според организаторите на истражувањето причината е во различниот статус во рамките на компанијата и во тоа што дотогаш бонусите не биле еднакво дистрибуирани.
Парите не мотивираат многу силно и надвор од канцеларија. Истражувањето на Case Western Reserve University се фокусира на тоа дали луѓето ќе тренираат почесто, ако им се дадат награди. На почетокот на експериментот им било предложено на учесниците да ја посетат фитнес салата три пати неделно и во замена да добијат ваучери за Amazon или материјална корист како блендер или други електрични апарати. Луѓето сепак не биле во искушение доволно и оделе да вежбаат во просек по 1,5 пати во недела. Потоа бил направен обид со поскапи ваучери - по 60 долари, но и тоа не помогнало.
И така - како вработените да бидат мотивирани? Наместо парите, повеќето од нив наведуваат дека конструктивната дискусија на нивната работа, пријатната службена околина и позитивното вреднување на нивните напори ќе ги натераат да се трудат повеќе.