ВРЕМЕ Е ДА СЕ ПРЕЗЕМЕ НЕШТО: Какви се плановите на Заев за бездомните кучиња
Објавено во: Македонија 06 Ноември, 2018
Последната трагедија која се случи во текот на вчерашниот ден е уште една потврда дека е потребно итно решавање на проблемот со бездомните кучиња.
Секоја искажана тага за случајот со 17 годишното девојче не треба да биде лицемерна туку треба да биде силна причина да се воведе ред со скитниците.
Заев искажувајќи жалење за трагедијата во Гостивар вели дека се размислува за промена на законите за решавање на проблемот со бездомни кучиња.
Проблемот премиерот го лоцира во компликуваните закони кои општините не можат да ги постигнат, но, како што рече треба да се следат препораките на ветеринарите.
„Јас знам како поранешен градоначалник дека Општина Струмица плаќаше огромни суми за приватни компании кои организираа центри за згрижување на кучиња согласно стандардите. Размислуваме на промена на легислативата во пофлексибилен начин кој ќе ги почитува меѓународните стандарди за заштита на животот на жиувотните, но Република Македонија да може да го спроведе, бидејќи надлежноста е кај општините. Еден начин е преку промена на законодавството, потоа и кон повнимателно слушање на ветеринарите и спроведување на нивните укажувања“ - рече премиерот Зоран Заев.