Врвни светски експерти по роботика и композитни материјали дебатираа во Микросам

Добивај вести на Viber

Триесет врвни експери во делот на роботиката и композитните материјали ја завршија неколкудневната размена на искуства во делот на достигнувањата во науката на семинарот, што се одржа во Микросам во Прилеп. Во Институтот за современи композити и роботика во Прилеп, соопштуваат оттаму, стана збор за т.н. материјали на иднината, односно современите композити кои се применуваат во авионската и вселенската индустрија. - Самиот податок дека во Прилеп се собраа сите истакнати експерти од оваа област од неколку земји од светот покажува дека Македонија веќе е значајна дестинација кога станува збор за композитните материјали. Микросам веќе е синоним за квалитет и научна дејност во делот на роботика и композитните материјали и затоа е предизвик за многумина од академската средина и идустријата за композити во Европа, истакна во обраќањето пред учесниците на семинарот, Драган Велјаноски, директорот на Институтот за современи композити и роботика во Прилеп. Институтот за совремни композити и роботика во Прилеп е единствен од ваков тип во регионот и е основан во 2009 година, како дел од развојната стратегија на компанијата Микросам.