Вучиќ коментира дека во Брисел уште еднаш ништо не се случи

Добивај вести на Viber

Уште еднаш ништо не се случи, Скопје и Тирана направија сè и заслужуваат преговори, коментира српскиот претседател Александар Вучиќ. 

Тој дава поддршка и се надева дека двете соседни земји набрзо ќе ги почнат преговорите со Европската Унија(ЕУ).  Српскиот претседател додаде дека Приштина не добила визна либерализација, Босна и Херцеговина не добила кандидатски статус, а Србија била критикувана поради невоведувањето санкции кон Русија.

„Денес Србија даде голема поддршка за почеток на процесот на преговори со Северна Македонија и Албанија, но ете уште еднаш ништо не се случи. Верувам дека нашите пријатели од Скопје и Тирана заслужија отворање на преговорите и се надевам дека тоа ќе се случи што е можно побргу. Не се работи за едно формално барање, туку е нешто што е неопходно затоа што двете земји сторија сè, ги исполнија сите услови. Граѓаните во Северна Македонија и Албанија го заслужуваат тоа“, рече Вучиќ. 

За иницијативата на францускиот претседател Емануел Макрон за формирање нова политичка заедница,  Вучиќ смета дека треба да се прифати. Српскиот претседател рече дека тоа би бил единствениот начин за гласот на земјите од регионот да биде слушнат, а дека ќе може да се видат и размислувањата на европските колеги.

Македонскиот премиер Димитар Ковачевски денеска го Брисел го отфрли францускиот предлог со кој требаше да се крене бугарското вето. 

фото Принтскрин