„Windows 10“ ќе овозможува најавување со црти на лицето

Добивај вести на Viber

Новиот оперативен систем „Windows 10“ ќе им овозможува на корисниците да влезат во системот без лозинка, користејќи препознавање на лице, соопштија од компанијата „Мајкрософт“.

Од компанијата велат дека функцијата „Windows Hello“ ќе поддржува биометриска идентификација, како дел од напорите за намалување на употребата од лозинки кои често можат да бидат пробиени.

„Тоа значи дека ќе го користите лицето, или отпечаток од прст, за да ги отклучувате вашите уреди. Единствено вие и вашиот отисок сте клучот кон вашите апликации, податоци, веб-сајтови и услуги, а не произволна комбинација од букви и бројки, која лесно може да биде заборавена, или снимена од самиот систем“, напишал на својот блог потпретседателот на „Мајкрософт“ Џо Белфиоре.

„Овој потег беше преземен по бран на пораки и полаки за пробиени бази на податоци што може да доведе до кражба на лични податоци и други злосторства“.

Белфиоре изјавил дека „Windows Hello“ нуди подобрена онлајн безбедност, бидејќи „ви овозможува да се идентификувате за вашите апликации, содржини, дури и одредени онлајн искуства без лозинка складирани во самиот систем или во мрежениот сервер“.

„Мајкрософт“ започна тестирање на „Windows 10“, која се развива како за компјутери, така и за мобилни гаџети,таблети и паметни телефони. Не е даден точен датум за преставување на „Windows Hello“.