Добивај вести на Viber
Минатиот месец поради високите цени на житариците, месото и млекото по два месеци стагнирање, цените на храната на светскиот пазар пораснале за 1,4 отсто, соопшти Организацијата за храна и земјоделство при Обединетите Нации, ФАО.
Во текот на септемрви, според анализите на ФАО, месечниот показател за промената на цената на потрошувачката кошница, пораснал за три бода повеќе од претходниот месец, и изнесува 216 бода. Податоците на ФАО покажуваат дека цената на месото на меѓународните пазари е зголемена за 1,2 отсто, за 1 отсто пораснала цената на житариците, додека благо намалување е забележано кај цената на шеќерот и маслото, поради добриот род на шеќерната трска во најголемиот извозник на шеќер, Бразил.