За 7 дена ќе се вади дозвола за транспорт, но и градежна лиценца-преку интернет!

Добивај вести на Viber

Со потпишување на меморандум за соработка меѓу повеќе надлежни институции ќе се работи на поедноставување на процедурите за вадење на дозволи за транспорт, како и дозволи во делот на градежништвото и урбанизмот. Како што изјави денеска министерството за транспорт и врски, Миле Јанакиески со меморандумот значително ќе бидат олеснети процедурите транспортната дејност. „ Досега превозниците во Република Македонија и сите кои аплицираа за лиценци во делот на градежништвото и урбанизмот требаше да отидaт еднаш минимум во Агенцијата за вработување и еднаш во ПИОM. За седум дена од денеска, сите овие документи ќе се добиваат по електронски пат, изјави министерот Јанакиески. Според него како големо олеснување е тоа што новиот систем овозможува со електронското поврзување да се избегнат можните злоупотреби од страна на превозниците, но и во делот на урбанизмот, во поглед на исполнување на условите за добивање лиценци. Според министерот за труд и социјална политика Споро Ристовски, соработката ќе се применува на ниво на највисоки стандарди за етичко и законито располагање на податоците, а со потпишувањето на Меморандумот, треба да се обезбеди поголема контрола на состојбите и намалување на ризикот од злоупотреби. „Со потпишувањето на Меморандумот ќе се зголеми ефикасноста во патниот сообраќај, во постапката за лиценцирање на транспортните компаниии и добивањето одобрение. Во соработката со ПИОМ ќе се зголеми ефикасноста во добивањето лиценци од областа на градењето, просторното и урбанистичкото планирање и процени. Се воспоставува систем на размена на податоци врз основа на кои ќе бидат регистрирани лицата вработени во транспортните компании во Македонија, од аспект на евиденција регистрирани пријави и одјави, во задолжително социјално осигурување, е елемент од исклучително значење за нас како Министерство“, рече Ристовски.