ЗА ЦЕЛОСНО ВАКЦИНИРАНИ ЌЕ СЕ СМЕТААТ ЛИЦАТА СО ПРИМЕНА БУСТЕР ДОЗА: Во јануари починале 6 лица со примена бустер доза, но имале коморбидитети

Добивај вести на Viber

Има промени во однос на тоа кои лица се сметаат за целосно вакцинирани, потенцираше на денешната прес-конференција на Комисијата за заразни болести, д-р Марија Димзова од Клиниката за инфективни болести и член на ова советодавно тело. Нагласи дека целосно вакцинирани ссе само оние лица кои примиле три дози од вакцината против ковид-19, односно две, а потоа и бустер.

Претседателот на Комисијата за заразни болести, проф. д-р Александар Петличковски, истовремено додае дека бустер дозата дава гаранција и до 95 проценти, односно во толкав процент штити од хоспитализација и од смрт. Останува оној мал процент пациенти, како што нагласи тој, кај кои може да настанат компликации, а тоа се луѓе со други сериозни болести , односно коморбидитети.

Во оваа насока, на денешната прес конференција на Комисијата за заразни болести д-р Злате Мехмедовиќ информираше дека 6 лица кои примиле бустер доза починале во период од 1. до 31. јануари годинава.

- Втората препорака е поврзана со извештајот од ИЈЗ каде е направен анализа на сите случаи на хоспитализација и смрт од Ковид-19 во период од 1-ви до 31-ви јануари за 2022 година. Анализата покажува дека во анализираниот период само 6 лица кои примиле трета доза завршиле со смртен исход, сите смртни случаи кои биле констатирани имале дополонителни коморбидитети како што се дијабетес, карцином, кардиоваскуларни заболувања и обезност, изјави д-р Мехмедовиќ.

А. Б.