ЗА ГЕРМАНЦИТЕ ПОМОШ ОД ПО 3.000 ЕВРА - Владата ветува нов пакет поддршка за инфлацијата, но што ќе речат газдите

Добивај вести на Viber

Поради инфлацијата и сè потешката финансиска ситуација што го погодува народот на Германија, германската федерална влада вети трет пакет финансиски олеснувања.

Една од финансиските мерки за помош е еднократна премија во износ до 3.000 евра, пренесува магазинот Феникс.

„Ќе овозможиме еднократно плаќање без даноци, односно можна премија за инфлација“, со овие зборови лидерот на ФДП, Кристијан Линднер, ја најави далекусежната мерка која е дел од третиот пакет помош на сојузната влада.

Кој ќе добие 3.000 евра помош?

Премијата за инфлација на германската „Семафор коалиција“ е наменета да им помогне на вработените подобро финансиски да се справат со зголемените трошоци за струја и гас и придружните повисоки трошоци. Вработените можат да добијат еднократен бонус до 3.000 евра од нивниот работодавец. Сето тоа треба да биде ослободено од данок.

Сепак, како и за се, има уште една, не толку добра вест за вработените. Имено, како и кај т.н корона премија, секој работодавач одлучува дали воопшто и во колкав износ ќе ја плати премијата за инфлација.

Според германските медиуми, исплатата на премиите најверојатно ќе оди главно за вработените со колективен договор, како што беше случајот со бонусот за корона. Сепак, првиот човек на синдикатот ИГ Бау во Германија, Роберт Фајгер, смета дека повеќе работници ќе го добијат бонусот.

„Особено во моменталниот недостиг на квалификувани работници, дополнителните даночни и бесцарински плаќања би можеле да имаат важен магнетски ефект“, рече Фајгер.

Кога ќе се исплати премијата за инфлација?

Сè уште не е јасно кога може да се плати премијата за инфлација. Досега, премијата за инфлација, како и целиот трет пакет за олеснување, е само нацрт и сè уште не е одобрена.

Третиот пакет помош содржи дополнителни далекусежни мерки, кои обезбедуваат финансиска поддршка за луѓето во Германија. Пензионерите треба да добијат и еднократен хонорар за цената на енергијата од 300 евра. Студентите ќе имаат право на еднократна исплата од 200 евра. Освен тоа, семејствата се ослободуваат со повисоки детски додатоци.

(Магазин Феникс)