ЗА ИНВЕСТИТОРИТЕ: Што е подобро, да се вложува во злато или сребро?

Добивај вести на Viber

Почетокот на 2017 година, им донесе приход на оние инвеститори кои сакаат да вложуваат во благородни метали. 

За 8.9% порасна цената на златото последните два месеци, а кај другите благородни метали кои се интересни за инвеститорите, растот е поголем. Сега среброто е за 15.3% поскапо од цената која ја имаше во последниот ден од 2016 година. 

Има две причини кои можат да доведат до нагло поскапување на овие метали. 

Прво е нестабилноста во САД и во Западна Европа, а второ е раст на стапката на инфлација во развиените економии. 

По 10 години со ниска инфлација, во последно време цените растат и инфлацијата достигна 2%. 

Аналитичарите од Admiral Marketsa сметаат дека растот на цените на благородните метали нема да трае долго. 

Сепак, кај среброто се очекува поголем раст на цената отколку кај златото. 

Од златото само 10% се користи во индустријата, а кај среброто повеќе од половина оди за производство на катализатори, и електроници. 

Тоа значи дека среброто побрзо се троши и може да го снема на пазарот. 

Се смета дека оние кои ќе вложат во сребро, ќе имаат поголем профит од оние инвеститори кои ќе вложат во злато.