За колку поскапе златото годинава?
Објавено во: Економија 16 Септември, 2025 18:01
Цената на златото е на нов историски максимум.
Цената на декемвриските фјучерси за злато на берзата Comex е 3.732,5 долари за унца (31,1 грам), според податоците од платформата TradingView. Од почетокот на годината, цената на благородниот метал се зголеми за 35 проценти.
Еден ден претходно, вредноста на фјучерсите достигна 3.700 долари за прв пат во историјата. Експертите го поврзуваат растот на побарувачката за злато со фактот дека инвеститорите бараат „нетоксична“ безбедна актива, независна од политичките настани во Белата куќа и отпорна на можни кризи во наредните години, објавува Комерсант.
Според проценките на Голдман Сакс, доколку инвеститорите ја изгубат довербата во традиционалните безбедни форми на инвестирање како што се американските државни обврзници и се свртат кон тврди активи, цената на златото би можела да достигне 5.000 долари за унца во наредниот период.
Целната цена на златото до крајот на 2025 година е околу 3.750 долари, под услов Федералните резерви да ги намалат каматните стапки, проценуваат аналитичарите, додавајќи дека сегашното ниво веќе делумно ги одразува очекувањата за намалување на каматните стапки.
Експертите за скапоцени метали наведуваат неколку фактори за порастот на цената на златото. Очекувано намалување на каматните стапки во САД, загриженост за инфлација, висок национален долг и глобални економски тензии. Огромниот јавен долг на САД дополнително ја поттикнува побарувачката за злато.
foto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
Среброто привлекува сè поголемо внимание од купувачите, eве зошто...
Димитриеска-Кочоска: Немам информација дека доцни породилното
ПРЕДНОВОГОДИШНО РИПНАЛЕ ЦЕНИТЕ НА УГОСТИТЕЛСКИТЕ УСЛУГИ: Еве што покажува статистиката
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
РКЕ го намали надоместокот за мрежарина за електрична енергија
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
