За Украина е неприфалива сугестијата од САД да ја намали долната граница за воена регрутација

Добивај вести на Viber

Украина е на мислење дека намалувањето на старосната граница за воен рок од 25 на 18 години е „лоша идеја“,по сугестиите кои дојдоа од САД. Вашингтон предложи тинејџерите да се приклучат на војната во време кога Украина бара поголема помош.

Во април, по 10 месеци размислување, претседателот Володимир Зеленски го потпиша законот за намалување на старосната граница за мобилизација за борбена служба од 27 на 25 години.

Во меѓувреме, висок функционер на Белата куќа го повика Киев да ја намали возраста за регрутирање на 18 години за да ги надомести загубите на борбена сила во Донбас, каде руските сили напредуваат кон неколку стратешки упоришта.

„Луѓето се потребни во моментов“, изјави неименуваниот функционер за новинарите во Вашингтон. „Мобилизацијата и повеќе воена сила би можеле да направат значајна разлика во овој момент“.

Украинскиот врв не одржа никакви состаноци за ова прашање.

„Не беа одржани состаноци за да се разговара за ова прашање, ниту беа дадени предлози за намалување на старосната граница за воен рок“, изјави за Ал Џезира извор од Генералштабот на украинските вооружени сили, кој сакаше да остане анонимен.

Досега Киев официјално одговори со одбивање.

„Повиците до Украина да ја намали старосната граница за мобилизација, веројатно со цел да мобилизира повеќе луѓе, немаат смисла во време кога претходно најавената воена опрема е одложена“, напиша Дмитриј Литвин, помошник на украинскиот претседател Володимир Зеленски на социјалната мрежа X. „Поради овие доцнења, Украина нема доволно оружје со кое ќе ги опреми војниците кои се веќе мобилизирани“.