ЗАЕВ: Да запрат критиките и навредите кон Тимоние
Објавено во: Македонија 25 Октомври, 2019 17:59
Да запрат критиките и навредите кон францускиот амбасадор во земјава, Кристијан Тимоние, побара денеска премиерот Зоран Заев.
Вели дека сега треба да се работи на тоа да ѝ се укаже на Франција да си ја провери својата одлука, а критиките не се правилен пристап. Според Заев, критики се непотребни. Вели дека иако некои ставови понекогаш не повредуваат, сепак мораме да градиме пријателство со стратешките партнери.
„Тој работи како пријател на нашта земја да ги укаже сите свои детали. Понекогаш не им е лесно на амбасадорите да ги доловат правците од Министерството за надворешни работи каде се вработени, и од претседателот на државата, од премиерот, министрите и слично. Ние треба да работиме преку укажување на Франција да ја провери својата одлука, оти јасно ни кажа дека сега не е до нас, туку дека е до нив“, изјави Заев.
Премиерот се огради од пратеникот на СДСМ, Мухамед Зеќири кој во емисија на ТВ 24 синоќа изјави дека францускиот амбасадор се советува со поранешен советник на екс претседателот Ѓорге Иванов.
„Мене ми е жал што главен брифер на Тимоние е човек кој е вмешан во многу спорни моменти наназад, а тоа е Синиша Алексовски кој беше советник за безбедност на Иванов“ – кажа Зеќири.
Поранешниот амбасадор Ѓорѓи Спасов на Фејсбук напиша дека Тимоние навредува.
„Ги напаѓаат Макрон и Тимоние, затоа што им кажувуваат дека не се доволни само реформи на хартија туку треба уште многу особено во судскиот систем и во борбата против корупцијата“, вели генералниот секретар на ВМРО-ДПМНЕ Игор Јанушев.
Тимоние вчера ја бранеше одлуката на францускиот претседател Емануел Макрон да не дозволи Македонија да ги почне преговорите со ЕУ бидејќи, како што кажа францускиот амбасадор, Париз смета дека од една страна треба да се измени методологијата на преговори, а од друга страна државава не ги направила неопходните реформи.
Тој нагласи дека само Договорот од Преспа не е доволен, а имало и маркетиншки трикови на оваа тема.Франција во Брисел стави вето и не дозволи Македонија и Албанија да добијат датум за преговори. Неизвесно е дали Макрон ќе го посети Скопје затоа што на 12 април во земјава ќе има избори, и Македонија за кратко ќе влезе во предизборен период.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ФАКТОР НА ДЕНОТ: Владата демантира преговори со Британија за прифаќање азиланти
БОPЕНКА ја заокружува есенската сезона на 5 декември, Светски ден на волонтерите и Светски ден на почвите
Исповед на Надалина, ќерката на актуелниот градоначалник на Кочани која ја преживеа трагедијата: Последната слика на која се сеќавам е луѓе како врескаат, обидувајќи се да излезат
(ВИДЕО) ОГРОМНА ПУКНАТИНА ВО ЛИПКОВО: Жителите се вознемирени
Прекршочна за Менди Ќира и Општина Струга: На прославата за Денот на алабнското знаме изостана македонското знаме
ЛЕКОВИ, ЦИГАРИ, ЖЕСТОКИ ПИЈАЛОЦИ, ЌИЛИМИ - Цариниците со голема заплена, еве каде биле скриени предметите
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
