Заев кажа дали се чувствува изневерено од ЕУ
Објавено во: Македонија 11 Јуни, 2019
Премиерот Зоран Заев во Отворено на 24 ТВ вечерва изјави дека 15 години го чекаме датумот за преговори со Европската Унија и дека заслужуваме да го добиеме.
Тој рече дека нема да избрзува да каже дали е изигран, но вели дека животот е борба, животот не е фер.
„Никој не ги става под знак прашање реформите“, вели Заев.
Премиерот верува дека ЕУ ќе го испорача датумот за преговори. За германската канцеларка Ангела Меркел вели дека таа е пријател на Македонија и на нашиот народ.
Ако не добиеме датум, рече дека сите опции се отворени како избори или враќање на мандат.