Заев ќе биде мандатар за состав на влада
Објавено во: Македонија 25 Февруари, 2017
СДСМ денеска на седница на Централниот и на Извршниот одбор, одлучи за мандатар за состав на влада да биде лидерот на партијата, Зоран Заев.
Присутните го поздравија Заев со долг аплауз и овации. СДСМ денеска ќе бира и владин кабинет и владина програма.
ДУИ синоќа одлучи да му ги даде потписите за мандат на СДСМ. Со тоа СДСМ има 49 пратеници, плус десет на ДУИ, како и осум потписи на БЕСА и Алијансата на Албанците, кои најавија дека ќе ги дадат потписите на СДСМ.
Шефот на државата, Ѓорге Иванов, откако претседателот на ВМРО-ДПМНЕ, Никола Груевски не успеа да формира влада, рече дека ќе го даде мандатот на оној кој ќе обезбеди доказ за мнозинство. Иванов го услови давањето на мандатот со гаранции да зачувување на унитарноста и давање гаранции за реформи во безбедносните структури.
ДУИ најави дека во понеделник ќе одлучи дали ќе биде дел од владата или ќе поддржи малцинска влада.