Заев ќе добие потписи, Села бара да се „чепне“ и во Уставот

Добивај вести на Viber

Заврши средбата на ДУИ и Алијансата на Албанците на кои не им се придружи Движењето БЕСА.

По средбата Али Ахмети ги избегна новинарите, а Зијадин Села посочи дека Заев ќе добие потписи, но не мора да значи дека тие ќе бидат поддршка за Влада.

Албанските парламентарни политички партии во рок од три дена ќе формираат тело кое ќе направи правилник за функционирањето на албанските политички партии и ќе состави предлог Закон за употреба на јазиците кој ќе ги задоволува потребите на Албациите.

Села открива дека дебатирале за декларацијата на Албанците и како понатаму ќе се одвиваат средбите.

„Во иднина овие средби треба да се држат во Собрание. Дебатиравме околу законот за Албански јазик. Закон кој ќе биде предложен од ова тело, работиме на предлог кој ќе ги задоволува потребите на Албанците“, вели тој.

Села пред новинарите истакна дека македонските партии создавале нестабилност и дека треба да се отвори Уставот.

Македонските партии прават нестабилност, за тоа обратете се кај нив, Албанците никогаш не сакале да земат нешто од Македонија. Ова е неприфатливо од нивна страна, иако многу земји повеќе пати го менувале Уставот“, рече Зијадин Села.

Од БЕСА пак преку соопштение до медиумите посочија дека нема да седнат на иста маса со Ахмети и дека нема да учествуваат на состаноци кои не се во духот на заедничката Декларација на албанските парти во Македонија.