Заев ќе го убедува СОНК за платите, ќе попуштат ли просветарите
Објавено во: Економија 01 Ноември, 2019
Министерот Адеми не успеа во разубедувањето да не се оди на генерален штрајк во образованието, па до дијалог со просветарите денеска ќе се обиде да дојде премиерот Заев.
На последната средба на СОНК за Арбер Адеми немаше промени во ставот на синдикатот а Владата останува на одлуката дека може дополнително да ја покачи платата на наставниците и професорите за 10 отсто од 1 април која веќе еднаш ја зголеми за 5 проценти од 1 септември.
Премиерот Зоран Заев, на седницата за пратенички прашања кажа дека во кус период од две и пол години, не се случило никогаш вакво покачување на платите во образованието, додека Синдикатот во моментов бара зголемувањето на платите да започне од 1 јануари следната година, но и да се понуди поголемо зголемување.