Претседателот на македонската влада Зоран Заев ја демантираше информацијата дека воспоставил контакт со екс-премиерот Никола Груевски непосредно пред овој да избега во Унгарија и со добиен азил таму да ја избегне двегодишната затворска казна за случајот „Тенк“.

Заев вели дека последен пат со Груевски се слушнал телефонски пред година и пол кога се обидел да го убеди да не ги кочи процесите за формирање на нова Влада.

-Таман работа, ќе испадне дека заедно тоа сме го договарале. Откога сум премиер, една и пол година, со господинот Груевски немам никакви контакти. Последните контакти беа кога беше заробен, заглавен парламентот во таа бесконечна  дискусија пред да се случат немилите настани на 27 април. Тоа беше таму, во парламнтот, кога разговаравме да одблокирање на процесот, дека е јасно оти мнозинството постои и да не ја мачиме Македонија и македонските институции. Тогаш беа последните разговори- одговори Заев на новинарско прашање при денешната работна посета на Струмица.

Тој додаде дека ја демантирал веста во телевизијата уште вчера.