Заев се сретна со амбасадорката на ОБСЕ - Што побрзо да се формира влада во интерес на граѓаните
Објавено во: Македонија 02 Февруари, 2017
Лидерот на СДСМ, Зоран Заев, придружуван од членот на ИО на СДСМ, Љупчо Николовски попладнево се сретна со амбасадорката на Мисијата на ОБСЕ во Македонија, Нина Суомалаинен, придружувана од шефот за политички прашања Џеф Били.
На средбата Заев ги искажа очекувањата на СДСМ околу формирањето на новата Влада во Македонија, како и следните планирани чекори во насока на реформските процеси во земјава.
- Сите во државата, вклучувајки го и претседателот Иванов, мора да ги почитуваат и да ги следат изборот и очекувањата на мнозинството граѓани, кои се изјаснија за промени. Нашиот став е дека треба што поскоро да почнат процедурите за формирање на новата Влада на сите граѓани на Македонија - рече Заев.
Тој објасни дека основа на приоритетите на СДСМ се извештаите на Прибе и на Европската комисија за реализација на потребните реформи за функционирање на инстутуциите исклучиво во интерес на граѓаните.
- На изборите победи концептот на заедништво и ние така ќе ја градиме Македонија, во едно општество за сите, во држава на граѓани со еднакви права и обврски и со услови за квалитетен живот - рече Заев на средбата со амбасадорката на ОБСЕ, Суомалаинен.
Можеби ќе ве интересира
ИВОР МИЦКОВСКИ: Ако успеат да не коалицираат со ДУИ и да направат нешто..., ВМРО-ДПМНЕ ќе газат со години
(ВИДЕО) Ечат македонската химна и народни песни на скопскиот плоштад
НАЈНОВИ РЕЗУЛТАТИ ОД ДИК: На обработени 90,49 отсто гласови - Давкова 326.310, Пендаровски 162.678
„СТЕВЧО ЈАКИМОВСКИ СОБРА ПОВЕЌЕ ПОТПИСИ ОД ГЛАСОВИ“: Доктор Беќаровски за изборниот резултат на градоначалникот на Карпош
ГРУБИ БАРА ОСТАВКИ - од Изет Меџити, Арбен Таравари, Билал Касами, Африм Гаши
„БЕВ, СУМ И ОСТАНУВАМ ЛЕВИЧАР!“ Ванковска им честиташе на победниците, но најави дека новиот претседател допрва ќе се соочи со нејзините предвидувања
МИЦКОСКИ: ОВАА ВЛАСТ ПАЃА, ЦРВЕНИОТ КАРТОН СЛЕДУВА НА 8 МАЈ - се слушнав со Таравари и му посакав идна Влада во Македонија
„СЕ ГЛЕДАМЕ ЗА ДВЕ НЕДЕЛИ, ЌЕ СЕ БОРИМЕ ДОДЕКА НЕ ПОБЕДИМЕ“: Ковачевски рече дека се надевале на подобри резултати
Пендаровски: ВМРО-ДПМНЕ не е сигурен во победа во вториот круг
