Заев вети студентски град во Скопје

Добивај вести на Viber

Првиот човек на СДСМ, Зоран Заев, денеска се сретна со млади луѓе пред Градската библиотека „Браќа Миладиновци“ во Скопје, пред кои ја претставил  мерката за студентскиот град во Скопје. 

Тоа ќе биде град со модерни архитектонски решенија за студентските домови, со инкорпорирани фитнес сали, кино сали, библиотеки, ресторани, и сето она што е од интерес на студентите. Се планира и воведување на бесплатниот интернет во студентските домови, но истовремено и студентската картичка за користењето на јавните услуги, како што е и превозот. 

„Зборуваме како државата ќе ги стипендира сите оние млади луѓе којшто сакаат да се дообразуваат, односно да одат на магистарски или на докторантски студии, но зборувавме и за студентските домови и сместување на младите луѓе, дека конечно дојде време, политичките партии да ги тргнат своите раце од сите органи и тела на младите, на студентите, за да може на еден транспарентен, непристрасен начин, секој да добие фер шанса за негово згрижување во студентските домови додека студира“ - вели Заев. 

Објасни  дека мерките што денеска ги презентирал пред младите се само еден мал од она што СДСМ го планира за нив. 

„Од домовите до универзитетите и факултетите, да дебатираме со младите како би можеле да ги презентираме и нашите решенија, но и ние политичарите да научиме нешто повеќе од нив“ - кажа Заев.