24 Мај, 2019
0.0194

Заев за „Та неа“: Не постои подобар договор за двете страни од Договорот од Преспа

Објавено во: Македонија 13 Октомври, 2018

 Под наслов „Потребна е политика, а не нови граници“, на насловната страница, викенд изданието на грчкиот весник „Та неа“ го пренесува интервјуто со македонскиот премиер Зоран Заев.

Како што јави дописничката на МИА од Атина, во опширното интервју премиерот Заев вели дека не постои подобар договор од актуелниот, изразува надеж дека пратениците ќе ја почитуваат волјата на граѓаните кои гласаа на референдумот. Потенцира дека е време Балканот од буре барут да стане извор на стабилност, а говори и за текот на преговорите, но и упатува порака до Грција дека сега имаме можност за историски успех како инвестиција за иднината.

Во пресрет на гласањето за уставните измени, премиерот вели дека исполнувањето на визијата за иднината на земјата, поддржана од мнозинството граѓани на референдумот, сега е во рацете на секој член на Собранието.

- Сите членови на Собранието, независно од нивната политичка поставеност, имаат историски долг во име на граѓаните да го обезбедат патот на земјата кон стабилност, безбедност и економски просперитет. Тоа е патот кон ЕУ и НАТО што поминува преку Договорот од Преспа. Очекуваме од членовите на нашето Собрание да донесат одлука во оваа насока, како доказ дека ја почитуваат волјата како на граѓаните кои гласаа на референдумот, така и на околу 80% од граѓаните кои одобруваат и континуирано бараат интеграција на нашата земја во НАТО и ЕУ, вели Заев и објаснува дека ако „пратениците од ВМРО-ДПМНЕ продолжат да одбиваат да преземат одговорност и останат на нивните позиции кои што се закана за иднината на земјата, тогаш парламентарното мнозинство ќе гласа за предвремени избори“.

За резултатот од референдумот, Заев  вели дека гласаа над 660.000 граѓани од кои над 90% беа „ЗА“ и објаснува дека теоретски требаше да излезат на гласање 903 169 граѓани, од кои 451 585 да гласаат „ЗА“, а во конкретниот случај бројот на оние кои дадоа позитивен одговор е 609.813 граѓани.

- Зарем ова не е израз на волјата на граѓаните?!, се прашува премиерот во интервјуто.

На прашањето дали можеби големата поддршка од Запад имала бумеранг ефект, Заев вели дека е полесно да успееш кога имаш пријатели кои што те поддржуваат.

- Нивната желба да ја видат нашата земја како рамноправен партнер во големите сојузи е искрена и силна. Нашите пријатели од меѓународната заедница го поддржуваат процесот, потврдувајќи дека го признаваат идентитетот и нашето државно постоење и ова е израз на почит кон сите граѓани на нашата земја, објаснува Заев во интервјуто, пренесе МИА.

Извор: МИА/Фото: Влада

Можеби ќе ве интересира

Кога ќе се отвори граничниот премин меѓу Косово и Македонија?

Кога ќе се отвори граничниот премин меѓу Косово и Македонија?

Што му подари Талат Џафери на Папата?

Што му подари Талат Џафери на Папата?

Најчевска: Богоевски постави модел на оставка кој треба да го следат и другите

Најчевска: Богоевски постави модел на оставка кој треба да го следат и другите

Слабите резултати од претседателските избори го направија своето: Шанси кај Заев имаат само оние што добро сработиле

Слабите резултати од претседателските избори го направија своето: Шанси кај Заев имаат само оние што добро сработиле

Шекеринска: НАТО ни препорача армијата да ја чуваат приватни агенции

Шекеринска: НАТО ни препорача армијата да ја чуваат приватни агенции

Црногорскиот премиер Марковиќ: Македонската влада покажа дека е една од ретките која знае да решава комплицирани прашања

Црногорскиот премиер Марковиќ: Македонската влада покажа дека е една од ретките која знае да решава комплицирани прашања

(ВИДЕО) Станот на сопственикот од Карпош 4 кому животот му го спасија пожарникарите

(ВИДЕО) Станот на сопственикот од Карпош 4 кому животот му го спасија пожарникарите

Што ќе се случува со седницата за одземање на мандатот на Груевски, по оставката на Богоевски?

Што ќе се случува со седницата за одземање на мандатот на Груевски, по оставката на Богоевски?

Експлодира боца во „убавица“ во Карпош 4, сопственикот на станот на тереса на 16 кат чекал помош од пожарникарите

Експлодира боца во „убавица“ во Карпош 4, сопственикот на станот на тереса на 16 кат чекал помош од пожарникарите