ЗАГРЕБСКАТА БЕРЗА ДОКУПИ АКЦИИ ОД МАКЕДОНСКАТА, СЕГА Е ГАЗДА НА 30 ОТСТО - зошто не известија од нашата берза
Објавено во: Финансии 23 Август, 2022
Загрепската берза (ЗСЕ) се стекна со дополнителен удел во Македонската берза (МСЕ), со што го зголеми сопственичкиот удел на 29,98 отсто.
Оваа информација пред пет дена, односно на 18 вгуст, е објавена на веб страната на Загребската берза.
Како што стои во официјлната објава на нивната веб страница, првиот удел Загрепската берза го купила на крајот на 2019 година.
„Тоа беше второ стекнување на удел во регионална берза од страна на Загрепската берза, откако ЗСЕ се здоби со 100 отсто сопственост на Љубљанската берза во 2015 година, преземајќи ја од Виенската берза“, се вели во соопштението од Загребската берза објавено на нивната веб страница.
Информација дека Загребската берза станала газда на 30 отсто од Македонската, деновиве не беше објавена на Македонската берза за хартии од вредност.
„Комисијата за хартии од вредност на Република Северна Македонија на 151-та седница со која претседаваше Претседателот на КХВ М-р Нора Алити донесе Решение со кое се дава согласност на Загребачка берза Д.Д Загреб да стекне квалификувано учество во Македонска берза АД Скопје, односно да се стекне со акции, чиј вкупен кумулативен износ не надминува 30 отсто од вкупно издадените акции со право на глас од Македонска берза АД Скопје“, се вели во соопштението кое тогаш го издала Комисијата за хартии од вредност и го објавила на својата веб страница.
Н.Н.Ф.