Oткази ќе се делат како од ракав, синдикатите во Србија ќе се креваат на нозе?

Добивај вести на Viber

Со последните измени и дополнувања на Законот за  работни односи во Србија, државата ќе овозможи полесно да се делат откази на вработените, пишува српски Блиц. Така, работодавачот повеќе не ќе мора да плаќа отпремнина за вкупниот стаж, туку само за периодот во кој работникот го поминал во фирмата. Државниот секретар во Министерството за труд, Зоран Мартиновиќ вели дека ако се отстрани стравот кај работодавачите дека ќе плаќаат високи отпремнини при делење откази , би требало полесно да се одучуваат да вработат стручни лица постари од 50 години. Љубисав Орбовиќ пак од Унијата на самостојни синдикати на Србија вели дека најголем проблем имаат вработените во приватниот сектор, бидејќи работодавците може да манипулираат и да создадат правна основа за да не ги платат обврзувачките бенефиции. Можните промени во Законот за работни односи треба да се очекуваат и кон пресметката на платите. Сега засега стои предлогот дека ќе се менува делот кој се однесува на исплата на ноќната и сменската работа, како и за работењето за време на празници или одмор. Притоа посочуваат при овие отсуства треба да се пресметува основната плата од сиот стаж, а не просекот на последните три месеци, како што е сега. „Проблемот е во отпуштањето на државните службеници на кои се применуваат Законот за државни службеници и евалуација. За да се отпушти службеникот треба да има две години по ред лош резултат. Со овој закон се регулирани ставките како повреда на работната обврска, работната дисциплина, но се дефинирани и начините за намалување на платата", вели за" Блиц адвокатот за работните односи Даниела Ковачевиќ.