Заменик-директорот на ДЗС: Пописот не може да биде признаен ако го бојкотираат илјада луѓе
Објавено во: Македонија 22 Јануари, 2021 09:45
Хилми Селами, заменик-директорот на Државниот завод за статистика, синоќа во емисијата „Патот кон“ ма Алсат ТВ рече дека пописот како статистичка операција може да биде одложен доколку се почувствува тивок бојкот кај дел од македонското население.
- Имаме доволно време за подготовка за кредибилен попис. Но истиот можат да го одложат само две причини. Прво, не очекување, но евентуално влошување на состојбата на пандемијата и второ, тивкиот бојкот од страна на македонската опозиција. Ако вие не успеете да попишете поради тоа илјада или две илјади лица, пописот не е целосен, рече Селами.
Тој додаде дека во мултиетнички и мултирелигиозни земји лесно се политизира пописот како статистичка операција, но дека државата не треба да го дозволи тоа. Како пример покрај Македонија, ја даде и Босна и Херцеговина, но ја посочи и Белгија.
Според законот за попис на населението, кој вчера беше изгласан во Собранието, врзан потпис на резултатите треба да стават и Селами и директорот на заводот Апостол Симовски.
Селами реплицирајќи и на пратеничката на ВМРО-ДПМНЕ, Иванка Василевска, рече дека Методологијата за попишување не може да биде донесена пред Законот за попис затоа што е подзаконски акт.
Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
