ЗАМИНУВА ПРЕТСЕДАТЕЛОТ НА ШВАЈЦАРСКАТА ЦЕНТРАЛНА БАНКА - франкот „се лизна“

Добивај вести на Viber

Швајцарската централна банка денеска предизвика изненадување со објавата дека нејзиниот претседател Томас Жордан, кој во текот на 12-те години на чело на институцијата управуваше со бројни кризи, ќе си замине во септември, а неочекуваната одлука предизвика пад на вредноста на швајцарскиот франк.

Жордан (61), поранешен универзитетски професор, беше на чело на банката од 2012 година, за време на превирањата на пазарите на пари што ја принудија Швајцарската национална банка (СНБ) да се откаже од минималниот девизен курс во однос на еврото, кризата со „Ковид-19“ кога беа потребни големи интервенции за да се спречи колапсот на економијата и поновата криза на Креди Свис, која беше на работ на банкрот во март 2023 година.

Swiss National Bank Chairman Thomas Jordan will step down at the end of September, the central bank said, after more than 12 years at the helm. More here: https://t.co/dNmqsLQrbA

— Reuters Business (@ReutersBiz) March 1, 2024

Советот на банката и генералната управа во соопштението изјавија дека длабоко жалат поради заминувањето на Жордан и му се заблагодаруваат за неговиот „исклучителен ангажман“ без да дадат никакви индикации за наследникот

„На мојата одлука никако не влијаеше кризата на Credit Suisse“, изјави Жордан на прес-конференција во Цирих.

Директорот на швајцарската управа за надзор на пазарор Финма поднесе оставка пет месеци по одлуката за спојување на Credit Suisse со конкурентската швајцарска банка UBS, наведувајќи здравствени причини.

Жордан рече дека неговото здравје нема влијание врз неговата одлука, туку дека е добар момент да се повлече.

„Повторно имаме ценовна и финансиска стабилност и тоа влијаеше на мојата одлука“, рече тој.

Од јуни 2023 година, инфлацијата во Швајцарија повторно падна под два отсто, што е целта на Швајцарската централна банка, а во јануари падна на 1,3 отсто.

Најавата за заминување на директорот ја намали вредноста на швајцарскиот франк за 0,21 отсто, тргувајќи се за 0,9579 франци за евро во 17:00 часот по Гринич.