29 Март, 2020
0.0310

ЗАНАЕТЧИИТЕ ПРEД КРАХ: Работните места висат на конец

Објавено во: Економија, Корона Вирус 24 Март, 2020

Нема работа за занаетчиите откако Македонија е во вонредна состојба поради коронавирусот.

Целиот сектор е загрозен, и му се заканува крахирање ако власта не преземе мерки за да ги заштити занаетчиите. Работните места на занаетчиите висат на конец.

„Пандемијата со COVID-19 го погоди целиот занаетчиски сектор. Целиот занаетчиски сектор е во криза затоа што нема побарувачка за занаетчиските производи и услуги. Сите сектори се погодени започнувајќи од секторот лични услуги и тоа: фризери, козметичари, маникир и педикир и масери, кои што не можат да вршат дејност во услови на пандемија од причина што постои висок ризик за заболување. Во иста ситуација се и останатите занаетчиски дејности затоа што нема работа во моментов за никого и тоа: бравари, столари, слаткари, градежници, златари,  филигранисти, поправка на апарати за домаќинствата и сите други занаети. Занаетчиите се во паника како ќе ги подмират обврските кон државата, како и останатите обврски за закуп, струја, вода и парно за деловните простори и со кои финансиски средства ќе ја поминат оваа кризна состојба во ситуација кога воопшто не остваруваат промет“, вели  Анета Атанасовска, од Комора на занаетчии Скопје.

Занаетчиите кои имаат вработени се исто така во многу неповолна ситуација, затоа што од нив зависи егзистенцијата на семејствата на вработените, а не се во ситуација да исплатат плати за вработените и ќе мораат да ги отпуштат од работа затоа што бизнисите стануваат неликвидни.

„Занаетчискиот сектор не е за занемарување затоа што само во регистарот на Занаетчиска комора Скопје се регистрирани 2.000 активни занаетчии од најразлични дејности, дел од занаетите се паушално оданочени и функционираат како самовработени лица, но дел од нив имаат и вработени за кои треба да исплатат плата и придонеси за период во кој не остваруваат приходи. Занаетчиска комора Скопје достави предлог антикризни мерки до надлежните институции, со предлози за ослободување од придонеси и субвенционирање на плата за време на траењето на кризата со коронавирусот. Занаетчиите очекуваат дека нема да бидат заборавени од надлежните институции со финансиска поддршка која што им е неопходна во справување со кризата од пандемијата“, додава Атанасовска.

Во Македонија Ковид 19 веќе однесе и два човечки животи, а во земјата на сила е полициски час. Економијата ќе претрпи големи последици од новонастанатата состојба. Заразени има во повеќе македонски градови како Скопје, Дебар, Гостивар, Штип, Кавадарци, Охрид, Куманово, а голем број граѓани се во изолација откако се вратени од странство.

Сања Атанасовска

Можеби ќе ве интересира

Азески: Коридорите се трасирани, мерките елаборирани, компаниите фрустрирани

Азески: Коридорите се трасирани, мерките елаборирани, компаниите фрустрирани

Малите трговци пред Влада бараат бруто-плати и замрзнување на кириите

Малите трговци пред Влада бараат бруто-плати и замрзнување на кириите

Ангеловска: Ќе се крати на опрема, лиценци, софтвери...

Ангеловска: Ќе се крати на опрема, лиценци, софтвери...

Компаниите за организирање и поддршка на настани,ТВ и филмска продукција бараат поддршка од Владата

Компаниите за организирање и поддршка на настани,ТВ и филмска продукција бараат поддршка од Владата

Владата подготвува нов пакет економски мерки

Владата подготвува нов пакет економски мерки

Македонски телеком: Нема 5G мрежа во употреба

Македонски телеком: Нема 5G мрежа во употреба

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

ОГРОМНИ ШТЕТИ: Коронавирусот економски ќе загрози најмалку 25 милиони луѓе

ОГРОМНИ ШТЕТИ: Коронавирусот економски ќе загрози најмалку 25 милиони луѓе