Луковски до сега е познато дека на два пати даваше исказ како сведок во Обвинителството за гонење организиран криминал за случајот „Рекет“. Во случајот „Рекет“ името на Луковски беше спомнато во разговорите што ги објави италијанскиот весник „Ла Верита“.
Жарко Луковски повеќе не е претседател на МТФ, Алек Теранова го менува
Објавено во: Македонија 25 Септември, 2019
Жарко Луковски, поранешниот главен извршен директор на Телеком, повеќе не е претседател на Македонската тениска федерација, потврдија од таму за „Фактор“. Тој нема ниту да биде член на Управниот одбор. На негово место запишан е Александар Ивановски, познат во јавноста како Алек Теранова, управителот на „Дивелоп груп“.
Луковски беше овластено лице на Македонската тениска федерација, која покрај организирањето и развојот на овој спорт во нејзиниот делокруг се и дејностите се трговија со спортска опрема во специјализирани продавници, работа на спортските објекти, спортско образоване и друго.
Менаџерскиот договор на Луковски со Македонски телеком заврши во 2017, а беше на највисоки раководни позиции во компанијата од 2006 година. Во 2010 година назначен е за Главен извршен директор на Т-Mobile Македонија, а во 2015 за Главен оперативен директор на Македонски Телеком.
Истрагата под кодно име „Базни станици“, беше иницирана во октомври 2018 година од страна на Специјалното јавно обвинителство и се уште е отворена. Осомничен за злоупотреба на над 3,5 милиони евра во корист на „Бетон“ АД Скопје, а на штета на акционерите на Т-мобиле, меѓу кои, и државата.
Луковски важеше за човек близок со високото раководство на ВМРО- ДПМНЕ, а негов кум е Сашо Мијалков. Се најде и на листата помилувани кај поранешниот претседател на Македонија, Ѓорѓе Иванов.