БИДЕТЕ ВНИМАТЕЛНИ: Пеколните темеператури може да предизвикаат топлотен удар

Добивај вести на Viber

Уште денес земјава ќе биде со портокалово ниво на опасност од високите темератури и воокото УВ зрачење. Управата за хидрометеоролошки работи најавува за денес максимални 41 степени целзиусови.

Надлежните и лекарите апелираат да се заштитат граѓаните и да ги почитуваат препораките од надлежните за високите температури.

Лекарите велат дека поради портокаловата фаза и тропските горештини се зголемени телефонските јавувања во итната медицинска помош, граѓаните браат совети но има и луѓе кои колабирале па им е потребна медицинска помош, затоа апелираат до граѓаните да не излегуваат на отворено доколку немаат итна потреба во периодот од 10:00 до 18:00 часот, да носат светла и лесна облека, исто така да носат очила за сонце и шапка, граѓаните да избегнуваат тешка и мрска храна, да се консумира повеќе овошје и зеленчук и да се пијат повеќе течности, а најмногу вода.

Граѓаните при влегување во возило, потребно е тоа одреден период да се проветри.

Во текот на ваквите екстремно топли денови, останете во затворени простории (пред се климатизирани), а при неопходен престој на отворен простор во овој период, да се најде можност за почести одмори под сенка. И со себе граѓаите да носат шише со минерална вода за пиење.

Хронично болните лица да ја примат редовно терапијата препишана од лекар, а трудниците и ранливите категории на граѓани да бидат ослободени од работа во деновите кога зејата е в портокалова фаза.

И од Дирекцијата за заштита и спасување излегоа со препораки до граѓаните. Покрај основните препораки за однесување во вакви услови, согласно Законот за заштита и спасување, презема и мерки и активности за превентивно делување за заштита од можни шумски пожари и други пожари на отворен простор.

Воедно, ДЗС апелира до Локалната самоуправа, граѓаните и посетителите на Република Северна Македонија, да внимаваат кога се на отворено и да не се фрлаат цигари и догорчиња; да не се фрла стаклен отпад и стаклени шишиња; да не се пали оган и скара на отворен простор и шума; да не се дозволува на децата да си играат со запалки, пламен и жар: да не се пали отпад и друг горлив материјал; да не се палат стрништа и меѓи, имајте на ум дека почетниот пожар може да се изгасне со една чаша вода;

Ако граѓаните забележат пожар веднаш да се извести Територијалната противпожарна единица на бесплатниот телефонски број 193.

Во соработка со Министерството за внатрешни работи и Министерството за земјоделство, водостопанство и шумарство, веќе се преземени превентивни мерки, од март донесена е забрана за движење во шума и шумско земјиште освен за вработените во ЈП национални шуми. Забраната ќе трае се до нејзиното отповикување.