ЗАВРШУВА КАРАНТИНОТ НА ЧЕШКА: Прво пазарите и занаетчиите, следуваат кафаните

Добивај вести на Viber

Чешката Влада од понеделник, 20. април ќе ги отвори зелените пазари и занаетчиските дуќани, а од 25. Мај, за јавноста ќе бидат повторно отворени музеите, галерииите, зоолошките градини, и последниот трет чекор на олабавување на мерките ќе се случи на 8. јуни кога ќе бидат отворени големите трговски ценри.

–Бизнис активностите ги поделивме во неколку групи. Од понеделник почнуваат со работа занаетчиите, продажбата на половни возила, како и зелените пазари. Дозволени ќе бидат спортските активности за професионалните спортисти, како и свадбите но со присуство на само 10 луѓе. Една недела подоцна, на 27. април ќе ги отвориме сите дуќани кои не се во склоп на трговски центри, значи кои имаат влез на улива, соопшти чешкиот министер за трговија, Карел Хавличек.

Кафулињата, рестораните, кината и манифестации до 50 луѓе ќе биде дозволено од 25. мај. Сепак, министерот нагласува дека овој план за ослободување од рестриктивните меркиќе важи само доколку пандемијата на вирусот ја совладуваат исто како и до сега. Чешка нема да ги отвора своите граници пред јуни, но министерот за здравство, Адам Војтех вели дека во оправдани случаи може да се посети роднина или некој најблизок во странство, но по враќањето е задолжителна две неделна самоизолација. Во Чешка има 6.111 заразени со вирусот, направени се 131.542 тестови, а починаа 161 пациент.