ЗЕЛЕНСКИ ГИ НАЛУТИ РУСИТЕ СО НАТПИС НА МАИЦАТА: Да ја направиме Русија повторно мала

Добивај вести на Viber

Украинскиот претседател Володимир Зеленски, во своето обраќање носеше маица со натпис „Да ја направиме Русија повторно мала“. Ова ги налути Русите. 

Зеленски ја носел маицата, која очигледно била направена по моделот на слоганот на поранешниот американски претседател и актуелен кандидат за таа позиција, Доналд Трамп. Тој во видеото зборува за новата американска помош за Украина од замрзнати руски средства.

„Од Соединетите Американски Држави пристигна важна вест: Америка одлучи да обезбеди 20 милијарди долари. Овие средства се обезбедени од замрзнати руски средства и се дел од одлуката на Г7 да и обезбеди на Украина 50 милијарди долари за поддршка на нашата одбрана и отпорност. Оваа помош навистина ќе не поддржи, а важно е да се спроведе оваа година. Благодарен сум на САД и на целата група Г7“, изјави Зеленски.

Руското Министерство за надворешни работи веднаш реагираше на натписот на маицата на Володимир Зеленски, нарекувајќи го „кретен“.

„Мала, како што? СССР? Руската империја? Ах, сфаќам! Како Киевска Русија. За тоа ни треба Киев. Сам си кажа, кретену“, реагира Марија Захарова, портпаролка на министерството.