ЗЕЛЕНСКИ: Планот за победа има за цел да создаде соодветни услови за праведен крај на војната

Украина сака да постигне праведен мир со Русија. Украинскиот претседател Володимир Зеленски три часа го презентираше „планот за победа“.

Зеленски му го претстави својот „план за победа“ на британскиот премиер Кир Стармер додека се зголемува притисокот врз Обединетото Кралство да ѝ дозволи на Украина да користи ракети Storm Shadow за да нападне цели во Русија.

Во трилатералните разговори во Даунинг стрит, каде што е сместен британскиот премиер, Стармер, украинскиот претседател и генералниот секретар на НАТО, Марк Руте разговараа за војната.

Руте изјави дека не постои правна пречка за употребата на западното оружје од страна на Украина против цели во Русија, но одлуките мора да ги донесат поединечните држави кои ќе му го дадат тоа оружје на Киев.

„Планот за победа има за цел да создаде соодветни услови за праведен крај на војната“, вели Зеленски. 

Тој бара дозвола да користи ракети Storm Shadow  и друго оружје испорачано од Запад за да ги гаѓа руските воздушни бази и другите воени локации што се користат за гаѓање на украинските градови и инфраструктура. Руте рече дека на Украинците законски ќе им биде дозволено да го сторат тоа како одговор на руските напади. Руската инвазија на Украина почна на 24 февруари 2022 година.