Зеленски вели дека кандидатскиот статус е историска одлука
Објавено во: Свет 17 Јуни, 2022
Украинскиот претседател Володимир Зеленски е задоволен од фактот дека Украина ќе стане земја кандидат за влез во Европската Унија(ЕУ). Според него, оваа одлука многу ќе помогне на неговата земја. Ова е само првиот чекор. Зеленски вели дека ова е историска одлука.
„Одлуката на Европската комисија да препорача доделување статус на кандидат за членство во Европската унија на Украина ќе му помогне на Киев да ја победи Русија“, изјави украинскиот претседател.
Европската Комисија препорача кандидатски статус и за Молдавија, истовремено барајќи од Грузија да исполни одредени услови пред да го добие истиот статус.Русија најави дека внимателно ги следи аспирациите на Украина за членство во ЕУ. Откако на 24 февруари, Русија ја нападна Украина, украинските власти побараа да почнат преговори со ЕУ.