09 Декември, 2019
0.0170

ЗЕМЈА КОЈА Е РАЈ ЗА РАБОТНИЦИ: Можеш да дојдеш 3 часа порано на работа, а можеш да работиш и од викендица

Објавено во: Финансии 09 Септември, 2019

За да ја зголемат ефикасноста и да ја поттикнат креативноста на вработените, се повеќе манаџери, посебно во подрачјето на информатички технологии и комуникации, овозможуваат флексибилно работно време и нудат работа надвор од канцеларија.

Најдалеку во тоа отиде Финска во која, за разлика од многу земји, флексибилното работно време се доживува како вистинско, а не како овластување на работникот.

Истражувањето на една глобална фирма спроведено меѓу 39 земји покажува дека 92 посто од фирмите во таа земја на вработените им нудиат флексибилно работно време, а на второ место е Шведска со 85 посто фирми.

Од друга страна, најригорозна работна етика има Јапонија со 18 отсто и Грција во која само 26 проценти од компаниите имаат флексибилно работно време. Од 2011 година, кога станале познати тие податоци, се поинтензивни се и расправите за позитивноста од флексибилното работно време ширум светот.

Според податоците кои ги наведува БиБиСи, денес го користат многу големи глобални компании а прилагодливиот работен ритам овозможуваат и националните работни законодавства, од Финска до Австралија и Велика Британија.

Уште од 1996 година Финска вовела закон со кој на многу вработени им овозможуваат на работа да дојдат порано три часа и да си заминат три часа подоцна.

Таа мала земја со околу 5,5 милиони жители, позната по својот ИТ сектор, сега оди и чекор понапред: од 2020 година мнозинството од постојано вработените ќе имаат право да одлучат каде и кога ќе работат најмалку половина од работното време. Вработените ќе мора да работат и понатаму 40 часа неделно, но притоа може да работат од викендица или од омилениот кафич.

Можеби ќе ве интересира

ММФ останува без клиенти?

ММФ останува без клиенти?

Аргир: Наградата за најдобра банка ја посветувам на Љубе Раевски

Аргир: Наградата за најдобра банка ја посветувам на Љубе Раевски

Ќе се намалат 12 од 30 царински стапки што ги бараа странските инвеститори

Ќе се намалат 12 од 30 царински стапки што ги бараа странските инвеститори

Плата од 500 евра газдата го чини 750 - давачките превисоки за малите фирми

Плата од 500 евра газдата го чини 750 - давачките превисоки за малите фирми

50.000 ЕВРА - толку ќе тежат двете главни премии од МојДДВ #МојаНаграда

50.000 ЕВРА - толку ќе тежат двете главни премии од МојДДВ #МојаНаграда

Анти-коцкање со отворено писмо до Заев: Рековте дека нема повеќе да издавате лиценци

Анти-коцкање со отворено писмо до Заев: Рековте дека нема повеќе да издавате лиценци