Земјотрес во Тузла затрупа четири лица

Добивај вести на Viber

Спасувачките служби трагаат за четири лица кои останале затрупани во рудникот „Дубрава“ поради земјотресот кој претходната ноќ го погодил подрачјето на Тузланскиот кантон.

Едно лице синоќа е извлечено и префрлено на Кличничкиот центар Тузла, додека за четири лица, како што се дознава неофицијално, се трага и извлекувањето не се очекува пред пладне.

Според неофицијалните информации четририте лица се затрупани, и постојат сомневања дека во тресењето на земјата смртно настрадале.

На местото на несреќата се наоѓаат припадници на Единицата за специјални намени МУП, а приодот е отежнат поради големите количини на кал.

Агенциите наведуваат дека затрупаните нелегално престојувале на ПК Дубрава каде копале јаглен и од неговата препродажба заработувале за живот.

Земјотрес со јачина од 3,6 степени по Рихтер го погодил претходната ноќ подрачјето на Тузла, а според информациите на Републичкиот хидрометеоролошки завод на Србија епицентарот бил во регионот Калесије, во саботата во 20:20 часот.

Земјотрес од толкав интензитет не може да предизвика штети на објектите, но населението може да го почуствува.