ЖЕНИТЕ СИ ГО КАЖАА СТАВОТ: Македонките би работеле за плата над минималната

Објавено во: Економија 09 Март, 2020
Најголем дел од македонските жени би прифатиле да работат за плата која е поголема од минималната.
За ова сведочат податоците кои ги објави Државниот завод за статистика, по повод Mеѓународниот ден на жената 8-ми Март.
Тие покажуваат дека 34.7 отсто од жените би работеле за сума од 16.001 до 20.000 денари.
32.3 отсто би се задоволите со плата од 12.001 до 16.000 денари.
21.7 отсто сакаат плати од 20.000 до 30.000 денари, а 1.7 отсто би работеле за сума до 40.000 денари.
Само 0.3 отсто се изјасниле дека би работеле за плата над 40.000 денари.
Но, ако се погледнат огласите, повеќето работодавци нудат минималец за почеток. Сепак, луѓето кои посредуваат при вработување тврдат дека во нашето општество мажите и жените не се рамноправни.
„Кај нас обично мажите успеваат да се изборат за повисока плата, но има и исклучоци каде жените заработуваат многу повеќе и се на високи позиции. Сепак, жените одат на породилно отсуство, и се случува да ја изгубат работата во меѓувреме, едноставно не им ги чуваат работните места. Мажот не може да ја изгуби работата од тие причини, така што жената во старт е во подредена положба, едноставно таква е културата кај нас“, велат од скопска агенција за посредување при вработување.
Од Организација на жени Кочани објаснуваат дека мажите и жените не се рамноправни во однос на платите, и тоа треба да се смени во иднина.
„Треба да бидат рамноправни жените и мажите кога се работи за примањата. Една жена треба да биде задоволна со примања од 30.000 денари, или сума приближно на оваа, но со минималец не може да опстане, посебно ако се работи за самохрана мајка“, додава Надежда Глигорова, претседателка на Организација на жени Кочани.
Во земјава 81 отсто од невработените и неактивни жени живеат од платата на некој друг член на семејството, објави ДЗС.
Во урбаните заедници во Македонија само 3,6 отсто од вработените жени се работодавачи, а во руралните заедници дури 22,4 проценти од вработените жени не земаат плата за тоа оти работат семејни работи од кои се издржува семејството, покажуваат податоците од Државниот завод за статистика.
Минималецот во земјава е 14.500 денари од декември лани.
Сања АтанасовскаМожеби ќе ве интересира
РОКОТ НАСКОРО ИСТЕКУВА, ДАВААТ 7.000 ЕВРА НЕПОВРАТНО ЗА ОТВОРАЊЕ БИЗНИС ВО СРБИЈА: Како функционира германската програма?

ЗАВРШУВА ЕРАТА НА НЕТОЧНИ БРОИЛА! „Опремата за проверка на струјомерите веднаш да биде на располагање на граѓаните“

ПИСМОТО НА ВОРЕН БАФЕТ ВИКЕНДОВ ГО КРЕНА БИЗНИС СВЕТОТ НА НОЗЕ: Се подготвува ли теренот за Грег Абел, стариот лисец се повлекува?

Божиновска во Вруток, срцето на македонската хидроенергија! И покрај предизвиците Мавровскиот систем произведе 28% над планот!
РОКОТ ТЕЧЕ: ПОДНЕСЕТЕ ГИ ДДВ – 04 ПРИЈАВИТЕ НАВРЕМЕ, ИЗБЕГНЕТЕ СТРЕС И ДОПОЛНИТЕЛНИ ТРОШОЦИ

НАЈВИСОКА ПРОСЕЧНА БРУТО ПЛАТА ВО МАКЕДОНИЈА: Изнесува над 200.000 денари

НАЈЕВТИН ВО ИСТОЧНА, А НАЈСКАП ВО СКОПЈЕ И ОХРИД: Дали е луксуз едно семејство да си купи бурек за појадок?

ХРВАТИТЕ НАВАЛИЈА ВО СРБИЈА: Пазарат во руски маркети

ИНДИСКА АГЕНЦИЈА НУДИ РАБОТА ВО МАКЕДОНИЈА: Објавена е листата на плати
