Жестока расправа во ДИК за приговорите на БЕСА

Добивај вести на Viber

Жестока расправа се води по приговорите на БЕСА. 

Претставник на БЕСА ги елаборираше приговорите за  гласање во општина Арачиново во Државната изборна комисија.

Беше кажано дека е вршен притисок врз гласачи, а при тоа гласачите не кажале дека им треба помош.  При тоа овластени лица не реагирале. Ливчињата не се сечени согласно законските одредби. Броевите на изборниот материјал не биле јасни, и се укажува дела имало можности за манипулација. Како доказ имаат изјава на нотар заверена од набљудувач, кажа претставникот на БЕСА.

Бедредин Ибраими, член на ДИК рече дека изјава заверена на нотар не е доказ, затоа што според него секој може во било кое време да обезбеди изјава на нотар за било што.

Виолета Дума од ДИК вели дека приговорот на БЕСА е доставен навреме.  Таа не се сложува дека изјава од нотар може да се донесе за било што.

Субхи Јакупи, член на ДИК рече дека не треба да се држат политички говори и да се прави театар.

Силвана Бонева, член на ДИК  додава дека не е спомнато кој носел гласачи и за кого ги терал да гласаат граѓаните и дека нема  доказ. Таа смета дека ДИК треба да го отфрли приговорот како неоснован. 

Приговорот за избирачко место 2333/1 е отфрлен.