Добивај вести на Viber
Станува жешко на политичката сцена. Денеска општина Центар лиферуваше соопштение во кое ја извести јавноста дека дел од зградата на ВМРО ДПМНЕ излегува надвор од градежната маркица, на туѓ имот. Од партијата не чекаа многу, рекоа дека работат и градат законски, а дека вистинската пералница на пари е проектот Боемска улица на Жерновски.
Објектот на партијата го гради Бетон. Инспекциските конторли покажале низа неправилности. Според соопштението од Центар, инспекцијата констатирала дека инвеститорот има ставено во функција дел од објектот, иако објектот е во фаза на изградба па согласно законот нема употребна дозвола.
Понатаму, увидот покажал дека над влезот на објектот има балкони и покриен дел, и покрај тоа што градежната маркица завршува само со објектот.
Од Општина Центар велат дека објектот излегол од границите на градежната парцела и зафатил дел од државниот имот. Најавуваат продолжување на контролите и постапување според закон.
Од ВМРО-ДПМНЕ велат дека целата постапка ја воделе крајно транспарентно, а дека постапките пред пштината Центар се во тек за финално добивање на употребна дозвола,.
„Објектот во Центар се уште не е ставен во функција, а ВМРО-ДПМНЕ својата работа ја извршува во привремениот штаб, при што јавноста исто така беше информирана. За сите други аспекти постојат документи и чекори кои што се преземени и се во согласност со законите“, се вели во соопштението од ВМРО ДПМНЕ.
Од таму го обвинија Жерновски дека нема идеи и проекти, па се занимава со голи провокации.
Градоначалникот на Центар треба да излезе и конечно да проговори за аферата околу перењето пари за шминкањето на „Боемска улица“, за која се потрошени над 500 000 евра, пари на граѓаните. Треба да ги објасни личните семејни, пријателски, бизнис и политички интереси со НСДП, Тито Петковски, пратеничката Соња Мираковска, сопственикот на фирмата „Изградба Комерц“ и треба да објасни како успеа да потроши толку големи средства за стотина квадрати бехатонски плочки, пишува во реакцијата од ВМРО-ДПМНЕ.