Жито Маркети стартуваше нова Наградна игра

Добивај вести на Viber

“На нашите ценети потрошувачи ќе им додадеме дополнителна вредност за нивниот буџет во секојдневното пазарење, а со атрактивните цени, купувањето ќе го направиме задоволство за сите”, вели Стојанче Тодороски, Маркетинг директор во Жито Маркети.

Жито Маркети, еден од најраспространетите малопродажни трговски синџири во Македонија, започна голема Наградна игра, со богат фонд на награди за своите потрошувачи. Наградната игра “Навика да освојам повеќе!”, ќе се трае месец и половина, почнувајќи од 1 септември, до 16 октомври, 2016 година, а главната награда е автомобил Фиат Линеа. Извлекување ќе се одржи на 22 октомври, 2016 година, на голема забава со популарни домашни музички артисти, на платото на супермаркетот Жито Ване, во Велес.

“Со наградната игра на Жито Маркети, на нашите ценети потрошувачи ќе им овозможиме голем фонд на награди, ќе додадеме дополнителна вредност за нивниот буџет што го користат во секојдневното пазарење, а со атрактивните цени, купувањето во нашите маркети ќе направиме да биде задоволство за сите”, вели Стојанче Тодороски, маркетинг директор во Жито Маркети.

Концептот на “Навика да освојам повеќе!”, е преку бесплатното зачленување во Клубот на верни купувачи, што може да се направи на секоја каса во кој било продажен објект на Жито Маркети, со пазарење да се соберат десет поени, при што се добива Купон за учество во Наградната игра. Притоа, еден поен на картичката на Клубот на верни купувачи се добива за секоја направена сметка од над 500,00 денари, додека дополнителни два поена се добиваат при купувањето на еден од означените производи во маркетите. Потрошувачите можат да праќаат неограничен број на купони за учество во наградната игра.

Освен за автомобилот Фиат Линеа како главна награда, потрошувачите на Жито Маркети ќе играат и за друг богат награден фонд, како што се пет скутери, пет смарт телевизори, десет лап-топ компјутери, потоа десет машини за перење, како и 40 вредносни ваучери кои што можат да се употребат за пазарување во продавниците на овој трговски синџир.

Жито Маркети се една од најбрзорастечките трговски марки во Македонија, со 52 малопродажни објекти низ целата земја, со концепт на маркет, супермаркет и дисконт продавници.