ЗИМАТА НЕ СИ ОДИ - цела недела ќе биде студено, можен и снег на повисоките места
Објавено во: Македонија 15 Март, 2021
Денеска ќе биде облачно и со врнежи од дожд, под влијание на влажен бран, а врнежите повремено ќе бидат поројни, на места со ретки грмежи, а пообилни ќе бидат во северозападните и источните делови од земјава.
Всушност, ќе се случи продор на студена воздушна маса, која ќе биде причина освен на планините, врнежите да преминуваат во снег и на повисоките места, а кон крајот на денот и во текот на ноќта кон вторник појава на снег ќе има и на некои пониски места. Денес и утре ќе дува силен северен ветер (и над 65 км/час), што ќе услови нагло намалување на дневните температури за 7 до 9 степени.
Инаку, утринските температури во земјава ќе се движат од -1 до 7 степени, а дневните од 2 до 11. Во Скопје слично време со максимална дневна температура од 8 степени.
Студено време, но без врнежи, со минусни утрински температури според метеоролозите ќе се задржи до петок.