Добивај вести на Viber
Денеска Унијата на претприемачи и занаетчии од регионот на Јужна Србија во Стопанската комора на Ниш му додели златна плаќетана градоначалникот на општината Карпош Стевче Јакимовски.
Наградите беа доделувани на најистакнатите поединци и институции кои придонеле за унапредување на претприемништото, продуктивноста, иновациите и едукацијата во поширокиот регион.
Манифестацијата е организирана од страна на "Унијата на претприемачи и занаетчии на Ниш". која брои над 6.000 членови како и Стопанската комора на Ниш, која одбележува 100 години посветени на стопанството. Како што известуваат од Карпош станува збор за членки на повеќе регионални и граѓански иницијативи.
Покрај тоа што се трудат да го поттикнат претприемништвото, тие истовремено се ангажираат и на полето на намалување на сиромаштијата и помагање на маргинализираните групи како и на лицата со посебни потреби. Покрај градоначалникот Јакимовски, добитници на "Златна пакета" се и министерот за финансии и економија на Србија - Милан Динкиќ, за успех во намалување на давачките и таксите за малите бизниси, а исто така и претседателот на Собранието на Ниш, проф. д-р Миле Илиќ.
Јакимовски изјави дека му претставува осбена чест и задоволство признанието и особено му е драго тоа што напорите и залагањата на Општина Карпош за поддршка на претприемништвото и воопшто за регионалната соработка и развој, се видливи и надвор од општината и државата.