Зошто од ОН ја критикуваат Македонија за односот кон мигрантите?

Добивај вести на Viber

Остри критики на адреса на Македонија за третманот на мигрантите. 

Критики за властите во  Македонија за систематската политика на протерување и на затворање на мигрантите, стигнаа  денеска од високиот комесар за човекови права на ОН, Зеид Рад ал Хусеин. 

Преставници на оваа организација веќе биле на терен во земјава. Ал Хусеин нагласи дека е загрижувачка состојбата на 180 мигранти, меѓу кои има и 80 деца, кои од март се „заглавени“ во двата транзитни центри Табановце и Винојуг кај Гевгелија по затворањето на балканската рута и не знаат што понатаму. 

„Тоа е неприфатливо, особено кога станува збор за деца“ – рече Ал Хусеин.

Бара да им се помогне на овие луѓе преку можности за вработување и едукација на децата.

Ал Хусеин вели дека има принудното враќање на мигрантите во соседните земји на Македонија. Со ова Македонија ги крши меѓународните обврски за заштита на човековите права, тврди тој. 

Генералниот секретар за човекови права на ОН, исто така, го критикуваше Скопје за неодамнешната измена на Законот за азил, која, како што рече, прави да е речиси невозможно повеќето мигранти да го легализираат својот престој, дури и кога ќе бараат азил.

Ал Хусеин потсети дека само пет од 600 апликации за статус на бегалци, колку што биле поднесени во 2015 година, биле одобрени. Воедно, ги осуди и екстремно рестриктивните можности за обединување на семејствата.