27 компании правеле малверзации со средства на ПИОМ

Добивај вести на Viber

Кај 27 акционерски друштва и друштва со ограниччена одговорност во кои Фондот за пензиско и инвалидско осигурување (ПИОМ) има акции ги злоупотребувале средствата на Фондот, открива направената ревизија на компаниите. Директорот на Фондот за ПИОМ Беким Незири денеска информираше дека неправилности се утврдени во 27 друштва од вкупно 285, а точната висина на штетата допрва ќе се утврдува. Како најголеми неправилности се посочуваат намалувањето на основачкиот капитал без давање на согласност од ФПИОМ, ставањето под хипотека на имотот на Фондот без негова согласност, ненаменското трошење на парите од Фондот и недавањето финансиски извештај согласно законските прописи. Со цел да се решат овие проблеми денеска Фондот за пензиско и инвалидско осигурување потпиша меморандум за соработка со Управата за јавни приходи и Управата за финансиска полиција. „Ниту е наша ингеренција, ниту е наша надлежност да се бориме против оваа појава и затоа се обративме до Управата за јавни приходи и до Финансиската полиција. Затоа денеска го потпишуваме меморандумот за соработка кој треба да ги реши овие проблеми со што индиректно ќе се зачува имотот на државата, имотот на 285.411 пензионери и на имотот на 508.883 осигуреници“, рече Незири. Од финансиската полиција и Управата за јавни приходи најавија дека во најкраток можен рок ќе направат финансиски контроли во работењето на овие друштва и доколку се утврдат сомневањата ќе се документираат случаите и ќе се поднесат соодветни пријави. „Предмет на контрола ќе бидат пред се оние правни лица за кои Фондот за ПИОМ има сомневање за сторени злоупотреби во работењето кои се на штета на Фондот, а со индиректно и на сите сегашни и идни пензионери“, рече Александар Тргачевски. Првите резултати се очекуваат кон крајот на јуни