5 стратегии за вашиот бизнис, ако сте со ограничени финансии
Објавено во: Финансии 05 Октомври, 2016
Најголемиот предизвик пред секој ветувачки претприемач е да успее да изгради бизнис со ограничени ресурси. Успехот на иницијативата е суштинската разлика меѓу тоа да имате прогресивна компанија и да го погребете вашиот сон. И додека парите се еден од основните ресурси, на кој се потпираат повеќето претприемачи, само нивното присуство не гарантира успех. Ако не ви недостасуваат мотивација, посветеност, желба за здрава работа и слично, има начин да се пробиете дури и со ограничени финансии, пишува Insider.
Проверете ги овие 5 лесни стратегии за акција кога паричните средства ви се лимитирани.
1. Самофинансирање.
Примената на стратегија, во која ќе ги вметнете сите заработени пари од компанијата во развојот на идните нејзини проекти, се нарекува органско финансирање. Вашиот бизнис ќе расте со брзината со која доаѓаат приходите. Ова води до пријатно чувство на независност од надворешно финансирање и инвеститори и до подобра внатрешно-фирмена финансиска дисциплина.
2. Вложете во маркетинг на социјални мрежи.
Социјалните медиуми имаат важна улога во промовирањето на вашиот бизнис. Создавање на мрежа на контакти и изнаоѓање на потенцијални нови клиенти во социјалните платформи како Facebook, LinkedIn, Twitter, итн може да се покаже како многу корисно за развојот на компанијата отколку што може да претпоставите. И сето тоа со минимални трошоци.
3. Учете од вашите грешки и бидете флексибилни.
Ограничените финансиски можности за почетник претприемач можат да се скриен благослов , иако тоа може да ви звучи лудо. Компании со ограничени средства не можат да си дозволат да фрлаат пари за непотребни идеи и производи осудени на пропаст . Недостатокот на неограничени финансиски можности е нешто како природна селекција за најдобрите и креативни идеи кои навистина заслужуваат да видат бел свет.
4. Создадете си стратешки партнерства.
Едно од најдобрите решенија за справување со ограничените финансии е да се изгради заемно партнерство со други компании. Може да се примени принципот на Бартер трансакции, така што ќе разменувате ресурси, услуги и производи и сè друго што го сметате за потребно.
5. Трошете мудро.
Најважната од сите стратегии, кога имате финансиски тешкотии, останува сигурно финансиско планирање на приходите и расходите. Многу стартап компании пропаѓаат бидејќи не трошат наспроти реалните можности. Оправдани трошоци и штедливост денес ќе ви помогнат утре да ја изградите успешната компанија, за која сонувате.