ЗОШТО НЕ БЕШЕ МОЕТО БЕБЕ ПРИМЕНО ВО ПОНЕДЕЛНИКОТ НА КЛИНИКАТА? Таткото на седуммесечното бебе најави тужба

Добивај вести на Viber

По изјавата на министерот за здравство, Арбен Таравари, дека нема лекарска грешка во случајот со седуммесечното бебе кое почина на Детската клиника во Скопје кон средината на декември, родителите родителите се гневни и најавија тужба против клиниката. Тие настојуваат во нивните тврдења дека бебето го однеле на време и побарале лекарска помош во Клиниката за детски болести кога нивното синче имало само блага температура и осип по кожата.

„Мене ми е тешко тоа што во понеделникот јас кога го однесов детето со многу мала температура и осип на телото тие нас не пуштија дома. Зошто тогаш детето не го хоспитализираа и не викнаа специјалисти од други клиники за да испитаат што е проблемот? Јас ги прашував што е проблемот, а тие ми велеа ќе му помине, температура е“, вели Влатко Трпкоски, кој го изгуби седуммесечното бебе

Министерот Таравари, на вчера изјави дека го прочитал извештајот за случајот и дека „за среќа, професионалците констатираа дека докторите немаат никаква грешка“.

Сепак, родителите на бебето се гневни на оваа изјава и сметаат дека нивното дете не било навремено хоспитализирано, што довело до трагичниот исход.

Причината за смртта на бебето треба да ја утврди обдукцијата, а јавноста очекува дополнителни информации од надлежните институции.