„АЈФЕЛОВАТА КУЛА ВО ПЛАМЕН“: Социјалните мрежи горат, масовно се споделуваат видеа од лажен пожар на туристичката атракција

Добивај вести на Viber

Серија фотографии и снимки на кои се гледа Ајфеловата кула во пламен и чад се проширија низ различни социјални мрежи во изминатите неколку дена. Но, набрзо се установило дека се работи за лажни фотографии и видеа и дека пожарот не стигнал до туристичката атракција.

На официјалната веб-страница на Ајфеловата кула не се објавени извештаи за пожарот, а билетите за искачување се уште се достапни за купување. Фотографиите споделени на официјалните канали на социјалните мрежи покажуваат дека кулата е покриена со снег.

Новинарите отидоа да проверат што се случува

Новинарите на Ројтерс потврдија дека пред неколку дена отишле да ги проверат вестите на веб-страницата на париската полиција и објавите на Фејсбук профилот на градоначалничката Ан Идалго, но не нашле потврда дека пожарот избувнал.

Контактирале и со портпаролот на знаменитоста, кој не одговорил веднаш. Набрзо утврдиле дека фотографиите и видеата кои кружат на интернет се лажни. „Немаше таков пожар и фотографијата која кружи на интернет е лажна“, објавија пред пет дена.

Сепак, тоа не ги спречи фотографиите и видеата да продолжат да се шират на TikTok, Facebook и Instagram. Претпоставката е дека тие се создадени со помош на вештачка интелигенција. Една од фотографиите споделена на TikTok собра 9,6 милиони лајкови, 121.000 коментари и 118.000 споделувања.