Акција „Хуманоста е важна“ на Бимилк и Тинекс

Добивај вести на Viber

Заедничката донаторска и хуманитарна акција на Бимилк и Тинекс под мотото „Хуманоста е важна“ денеска им донесе нова техничка опрема на децата и младинците од Заводот за рехабилитација на деца и младинци „Топанско поле“ – Скопје. Оваа јавна установа обезбедува рехабилитационо – корективен третман на деца и младинци со умерени, тешки и комбинирани пречки во интелектуалниот развој. „Овој третман е комплексен и во себе содржи повеќе сегменти: дневно и интернатско згрижување, воспитание, образование, работно оспособување, работно ангажирање, здравствена заштита, како и културно–забавен и спортско–рекреативен живот на нашите корисници. За таа цел една од приоритетните активности во изминатиот период е обезбедување на средства за опремување на просториите каде престојуваат овие лица со соодветен мебел, компјутери и останати неопходни материјали“, истакна м-р Анета Стефановска – помошник директор на Заводот. Во пресрет на потребите на Заводот излегоа компаниите Млекара АД Битола и Тинекс, кои преку акцијата „Хуманоста е важна“ заедно со граѓаните на нашата држава овозможија со секое купено Бимилк млеко да се обезбедат средства во вкупен износ од 150.000 денари. Денеска во Заводот за рехабилитација на деца и младинци „Топанско поле“ – Скопје беа врачени 3 лаптоп компјутери, 4 печатачи, 5 радио и цеде плеери во вредност од 75000 денари, додека во Битола во Заводот за рехабилитација на деца со оштетен слух “Кочо Рацин“ во истиот износ ќе се доделат– 80 јоргани и 80 постелнини. “Техничките средства, односно техничките помагала кои ги дониравме се повеќе од потребни за оваа институција и посакуваме истите да им помогнат на децата и младите во нивниот социјален и едукативен развој“, истакна главниот бренд директор на Тинекс Цветанка Христовска. „Континуираната општествено одговорност е основа на нашето делување и постоење, оттука ова е веќе 4-та по ред акција на Бимилк за последните 4 месеци. „Хуманоста е важна“, докажа дека за кратко време од еден месец, граѓаните одговорија на нашиот повик и со секое купено Бимилк млеко придонесоа да се реализира помошта за децата и младите со посебни потреби. Денеска таа беше доделена во Скопје во Заводот за рехабилитација на деца и младинци „Топанско поле“, а во понеделник ќе биде доделена во Битола во Заводот за рехабилитација на деца со оштетен слух “Кочо Рацин“, изјави Полексена Ристеска, маркетинг менаџер на Бимилк.