Ако Македонија не го испорача Морина, ќе следи реакција од Србија

Добивај вести на Viber

Србија го чека испорачувањето на Toмор Морина, во спротивно ќе се прекрши меѓународното право.

Српскиот министер за внатрешни работи, Небојша Стефановиќ изјави дека Србија го чека испорачувањето на Морина. 

Тој порача дека премиерот, Зоран Заев треба да го исполни ветувањето дека ќе го почитува меѓународното право и изјави дека секој кој е дел од Интерпол треба да се придржува кон прописите на организацијата.

Министерот нагласи дека ако Морина не биде испорачан тоа би значело непочитување на меѓународното право.

„Загрижува тоа што некои претставници на приштинските институции знаеле однапред дека нема да има испорачување. Тоа би значело дека се во дослух со некои правосудни органи на Северна Македонија и не можам ни да замислам дека е можно Северна Македонија да си го дозволила тоа. Не верувам“, рече Стефановиќ.

Министерот не сакаше да преудуцира, но изјави дека ако Морина не биде испорачан дополнително ќе видат каква ќе биде реакцијата на нивните органи по тој повод.

Moрина е поранешен припадник на УЧК, кој беше уапсен на Блаце, а се товари за воени злосторства извршени врз Србите на Косово. Во Македонија нему ми беше определен притвор од 30 дена.