Ако сакате да патувате ова се идеални професии за вас…
Објавено во: Финансии 25 Мај, 2016
Професии како стјуардеса, работа на брод, туристички водич ви нудат нешто повеќе од другите професии, а тоа е да патувате на места за кои сте сонувале.
Туристички водич
Вашата работа се состои во тоа да ги презентирате знаменитостите и убавините на земјите каде патуваат туристите. Со оваа професија можете да го обиколите било кој дел од светот. За оваа работа потребно е познавање на јазик, историја, знаменитости, споменици, архитектура... Потребно е да бидете комуникативни, елоквентни и интересни за луѓето. Нема да заработите многу, но ќе имате можност за патување.
Стјуардеса
Ако немате страв од летање, со оваа професија можете да посетите некои од најинтересните дестинации. Ако имате слободен ден или два во некој град, можете да го искористите за шетање.
Работа на брод
На брод се работи многу, но предност е тоа што ќе видите прекрасни места. Слободното време ќе го исполните со разгледување на убави градови.
Чување деца во странство
Се повеќе жени се пријавуваат да чуваат деца, па дури и ако тоа е на друг континент. Ова е идеално за оние кои сакаат да работат со деца. Секако, и оваа работа бара познавање на јазик, одговорност и способност и искуство да се чуваат деца.
Мировни мисии
Малку луѓе ќе се сетат на оваа професија. Но, ова не е лесна работа, кандидатите треба да поминат тестови и да исполнуваат одредени услови. Оваа работа нуди пристојна заработка и можност да го пропатувате светот.
Сезонска работа
Во секоја земја во екот на сезоната се бараат сезонски работници. Тоа значи многу физичка работа, многу работни часови, а во слободно време можете да го посетите регионот каде престојувате.