Албански планинар го замени македонското со албанското знаме на врвот Кораб
Објавено во: Македонија 01 Јули, 2024
Албанскиот планинар Изет Шулку пред два дена, придружуван од уште неколку други лица, се пофалил на социјалните мрежи како го менува македонското со албанското знаме на врвот Кораб.
Албанскиот планинар од Пешкопеја со неговото друштво на врвот Голем Кораб тоа го сторил изминатиот викенд
На врвот Голем Кораб кој припаѓа на Националниот парк Маврово стои информативна табла со налепница испишана на македонски јазик со надморската височина на врвот – 2.764 метри и дека корабскиот планински масив е во две земји Македонија и Албанија, но Шулку исто така ја искина и фрли.
„Кораб е на Албанија и таму нема место за македонското знаме“, напиша Шулку на својот фејсбук-профил и го објави видеото.