„ДУРИ И ДА ИМАМЕ ВОЛШЕБНО СТАПЧЕ, ДО СЕПТЕМВРИ НЕ МОЖЕМЕ ДА ОБЕЗБЕДИМЕ УЧЕБНИЦИ ЗА СЕДМО ОДДЕЛЕНИЕ“ - новата министерка Јаневска бара чаре за проблемот
Објавено во: Македонија 03 Јули, 2024
Ниту еден учебник за седмо одделение не е даден на печатење, вели министерката за образование Весна Јаневска. Иако јавно беше соопштено дека до 1 септември ќе има учебници и за седмо одделение, министерката Јаневска соопшти дека фактичката состојба во Министерството е сосема различна.
„Не само што ниту еден учебник за седмо одделение не е даден за печатење туку огромен број од нив не се одобрени. Некои не се ни напишани, не е креиран учебникот. Некои не поминале ни рецензија. Волшебно стапче да имаме ние до септември како Влада не можеме да стигнеме да обезбедиме учебници за седмо одделение. Од тука, веќе неколку дена траат преговорите и разговорите со Бирото за развој на образованието за да го надминеме овој проблем со идејата дека децата и оваа година треба да учат од старите учебници односно од учебниците што се користеле оваа година“, рече министерката Јаневска која денес беше дел од годишниот настан „Разговори за еднаквост“ во организација на Државната комисија за спречување и заштита од дискриминација.
„Разговорите се уште траат и доколку законското решение не дозволува ништо поинаку ние ќе ја одложиме концепцијата на извесен период на учениците од седмо, осмо и деветто одделение да имаат учебници. Притоа наставниците тоа го знаат, тие мора да се спремни да предаваат и по наставна програма. Ако некоја тема не е соодветна во учебникот тие треба да им ја предадат на децата така како што треба, да им обезбедат одредени наставни материјали од кои децата ќе учат, да им посочат друга литература, да им посочат интернет литература“, вели министерката Јаневска.
Таа најави дека за ден или два ќе може да соопшти што е договорено за учениците да имаат учебници.
Можеби ќе ве интересира
Трагедија во Струмица: Го загуби животот од греалка
Градоначалничката Арсовска го посети првороденото бебе во 2025
Приведени 33 лица за Нова година, сообраќајки без фатални последици
Кога се сака, се може: Од денеска кавадарчани на скијање на Кожуф
Од денеска само со нови возачки дозволи и регистарски таблички
Тинејџер се стекна со траен инвалидитет по пукната петарда на новогодишната ноќ
ФАКТОР НА ДЕНОТ: За 2025 година политичарите ветија подобар живот за граѓаните
